ROXAS CITY – Ginalaoman nga madamo sang boto ang makuha ni Republican US Pres. Donald Trump kontra kay Democratic nominee Joe Biden sa Houston Texas sa nagahilapit nga US Presidential Election 2020 sa Nobyembre 3.
Sa report ni Bombo International Correspondent Pinoy Gonzales ginpahayag sini nga posible makakakuha sang daku nga numero sang boto sa electoral college vote si Trump sa nasambit nga pungsod.
Ginpahayag sini nga apisar malapit na ang eleksyon nagapabilin nga mainit ang tensyon sa tunga nanday Trump kag Biden sa pagpapili bilang presidente sang America.
Ginpahayag sini nga nagapanguna sa gihapon si Biden sa Presidential Poll Tracker kun sa diin nakakuha ini sang 53.9% samtang si Trump naman may yara sang 43.8%.
Sa karon, hawid ni Biden ang 279 nga balwarte samtang 125 lamang kay Trump.
Kaangut sini, may yara sa gihapon sang undecided states kun sa diin ginatinguhaan nga makuha sang duha.
