ROXAS CITY – Padayon nga ginahulat sang Sangguniang Panlalawigan ang request for supplemental budget appropriation sang Executive Department sang gobyerno probinsyal.
Ini ang gin-athag ni Board Member Jonathan Sonny Besa, Chairman sang Committee on Finance and Appropriation sang mainterview sang Bombo Radyo.
Suno kay Besa nga indi mabasol sang Executive Department ang mga board members kun wala malakip sa Agenda sa special session sang Sangguniang Panlalawigan sa Abril 4, 2020 bangud humalin sang Martes ginahulat sang mga board members ang gina-resquest nga supplemental budget sang executive branch agud matalakay sa nasambit nga sesyon.
Wala naman sang ideya si Besa kun pila ang ginrequest nga supplemental budget sang executive branch kag kun sa diin ini pagagamiton nga pondo.
Apang sa pagkahibalo ni Besa nagalab-ot sa 100 milyones ka pesos ang ginahinyo nga supplemental budget sang Executive Department.
