ROXAS CITY – Pilason ang duha ka mga indibidwal nga sakay sang rescue ambulance sang President Roxas, matapos nabungguan sang Ford Fiesta nga salakyan sa Roxas City bridge kagab-i.
Ginkilala ang mga biktima nga sanday Leo Mark Alado 31-anyos sang Barangay Hanglid, President Roxas, Capiz driver sang rescue ambulance kag kaupod nga si John Robert Alforte sang Barangay Marita, President Roxas.
Sandig sa imbestigasyon sang Roxas City PNP may idul-ong nga pasyente sa Roxas Memorial Provincial Hospital ang nasambit nga ambulansiya apang pag-abot sa Roxas City bridge aksidente nga nabungguan sang ford fiesta nga salakyan nga ginamaneho sang negosyante nga si Timmy Molino, 41-anyos sang Fuentes drive, Barangay 9, Roxas City.
Ginpadangat sa ospital sanday Alado kag Alforte agud bulngon ang naangkon nga pilas, samtang ginkostodiya sang kapulisan si Molino nga yara sa impluwensiya sang makahulubog nga ilimnon sang nagluntad ang aksidente.
Maswerte naman nga wala nasamaran ang pasyente nga sakay sang nasambit nga ambulansiya.
