Maga-upod man sa patigayunon nga Dugong Bombo 2025: A Little Pain, A Life to Gain ang mga katapo sang Reserve Officers’ Training Corps sang Capiz State University sa Nobyembre 15, 2025 sa Capiz State University-Main Campus.
Sa interview sang Bombo Radyo kay Wennie Legario, Commandant sang Capiz State University- Reserve Officers’ Training Corps, iya ginpahayag nga ang pagdonar sang dugo ang isa ka daku nga responsibilidad sang tagsa-tagsa agud nga bisan sa gamay nga pamaagi ang makabulig sa mga nagakinahanglan.
Suno pa kay Legario, ang kada patak sang dugo nga madonar ang tanda man nga may yara sang kabuhi nga masalbar.
Pahayag pa niya, ang Reserve Officers’ Training Corps ang parte sang Article 9163 ukon National Service Training Program (NSTP) Law nga mas mapabakod ang kusog sang militar sa pamaagi sang mga army reservist
Dugang pa sang natungdan, ang mga estudyante nga nagakuha sang Reserve Officers’ Training Corps (ROTC) ang ginahanda agud mangin isa ka maayo kag disiplinado nga lider sa kun ano man nga sahi sang dalan ang ila nga pagatahakon sa ulihi.
Interviewed by: Bombo Sunnie Mae Batencila and Bombo Francis Biñas via Good Morning Philippines
