ROXAS CITY – Dismayado ang isa ka residente sa pagkarumpag sang kapin 150 metros nga porsyon sang gina-construct nga esplanade sa Washington st. syudad sang Roxas.
Sa interview sang Bombo Radyo kay Gil Albaladejo, ginsiling sini nga basi kag engkanto ang nagbaliskad sa amu nga footwalk.
Apang isa lang ang sigurado suno kay Albaladejo, kag ini amu ang balik sa umpisa ang pagkaayo sang amu nga narumpag nga porsyon.
Nagakalangkag naman kuntani ini sa palaabuton nga Disyembre sa selebrasyon sang Halaran, kun sa diin makalagaw-lagaw ini, apang posible balik sa umpisa ang amu nga proyekto.
Wala man sini mapunggan nga ihambal nga kanugon ang kuwarta sang gobyerno kag sang tawo sa amu nga proyekto.
Matandaan nga may pondo nga P14,100,000.00 ang pag-construct sang nasambit nga proyekto nga nagsugod sang Mayo 2022 kun sa diin ang contractor amu ang MBM Construction.
