Residente nga ginreklamo si PB Aponesto sang Barangay Cabugao, nagpangayo sang pasaylo sa publiko

ROXAS CITY – Personal nga nagpadulong sa talatapan sang Bombo Radyo si Sheila Reynaso, residente sang Barangay Cabugao, Roxas City agud magpangayo sang pasaylo angut sa mga ginpanghaboy sini nga tinaga batuk kay Punong Barangay Ma. Gemma Aponesto.

Suno kay Reynaso, nagulpihan lamang siya kag nangin emosyunal para sa iya manghod sini nga napreso.

Matandaan nga sang damlag lang nagpalab-ot sang reklamo si Reynaso batuk kay PB Aponesto bangud sa wala sini pagpirma kag paghatag sang Certificate of Indigency agud kun tani para sa bail band sang iya utod.

Nagalaum man ini nga kun tani mabuligan na sila sang nasambit nga Punong Barangay kag ihatag na ang ila ginapangayo nga bulig.