ROXAS CITY – Ginaganyat sang isa ka residente ang ila pumuluyo sa Andrada Subdivision, Barangay Banica, sini nga syudad nga ipabilin nga malimpyo ang ila palibot agud malikawan ang pagdamo sang lamok nga may dala nga Dengue.
Sa interview sang Bombo Radyo kay ‘Bebot’ Diaz, ginpahayag sini nga sila sa gihapon nga mga pumuluyo ang magasupreher kun indi magpanglimpyo sa palibot.
Ginpahayag man sini nga sang nagligad nga tuig, nagbalatian sang Dengue ang iya apo.
Sa pagpadulong sang Bombo patrol team sa lugar, talalupangdon ang mga kanal nga may nagapondo nga tubig kag barado sang mga basura.
Suno pa kay Diaz, napalab-ot na nila sa ila barangay ang amu nga sitwasyon sang ila kanal,
Masami man suno diri sila kag ang ila opisyal sa barangay nga nagapanglimpyo apang may yara gid sang nagahaboy sa ila kanal.
Nahibaluan nga ang nasambit nga subdivision amu ang may pinakamadamo nga kaso sang Dengue sa ila barangay.
