ROXAS CITY – Wala ginlauman sang himata sang 9-ka tuig nga babayi nga makaangkon sang balatian nga Dengue ang amu nga bata bangud nagapanglimpyo man ang mga ini sang ila palibot.
Sa interview sang Bombo Radyo kay Corazon Fores, sang Hermano Subdivision, Barangay Punta Tabuc, sini nga syudad, suno diri nga nagapanglimpyo sila sang ila mga ugsaran kag ginapakulob ang mga posible istaran sang lamok nga may dala nga Dengue, gani wala gid gin-ekspektar ang pagka-ospital sang iya apo.
Ginpahayag nga nakabatyag lamang ang bata sang on and off nga lagnat kag gamay nga rashes.
Sa karon, nagapabilin sa isa ka pribado nga ospital ang amu nga pasyente kag nagapangayo sang pinansyal nga bulig sa ila pagpaospital, maayo lamang nga indi pa malala ang tanan.
Ginpalab-ot naman sini sa ila Barangay council agud makahimo sang tikang nga mapakigbatuan ang pagdamo sang kaso sang dengue sa ila lugar.
