ROXAS CITY – Arestado ang 38-anyos nga lalaki matapos ginserbihan sang warrant of arrest sang gintingub nga puwersa sang Pontevdra MPS, CIDG Capiz PFU kag CIDG RSOT-6 sa Barangay Binuntucan, banwa sang Pontevedra.
Ginkilala ang akusado kay Ernie Juderial Batuigas alyas “Toto” kag residente man sang nasambit nga barangay.
Kaso nga paglapas sa section 28 sang article V sang R.A 10591 ukon “Comprehensive law on firearms and ammunition” ang ginapangatubang sang akusado.
Ang warrant of arrest ang ginpapanaog kag ginpirmahan ni Hon. Rommel Lacson Leonor presideng Judge sang RTC 6th Judicial Region, Branch 21 Mambusao, Capiz napetsahan Agosto 2, 2022.
Ginrekomendar sang korte ang P36,000 nga piyansa para sa temporaryo nga kahilwayan sini.
Sa karun, yara ini sa kustodiya sang CIDG Capiz, para sa nagakaigo nga disposisyon kag natalana nga iga-turn over sa court of origin.
