ROXAS CITY-Aprubado na sang konseho sang syudad ang resolusyon nga naga-oponer sa plano sang Metro Roxas Water District (MRWD) nga magbakal sang tubig sa isa ka pribado nga supplier sa sulod sang 15 ka tuig.
Ini ang ginkompirmar ni City Councilor Midelo Ocampo sang mainterview sang Bombo Radyo.
Suno kay Ocampo nga nangin “unanimous” ang desisyon sang mga konsehal sa konseho kun sa diin ang ginbasihan sang ila nga desisyon amo ang ginpresentar sa ila sang talatapan sang tinalikdan nga committee hearing.
Ginpahayag ni Ocampo nga naga-oponer ini sa nasambit nga plano bangud dako ang epekto sini sa mga kunsomidor sa ulihe.
Suno sa opisyal nga dako ang posibilidad nga may yara sang igapatuman nga rate increase sa balayran sang tubig.
Gindugang pa sini nga mahimo mangin “last option” lamang ang pagbakal sang tubig sa iban nga supplier sa tion nga makita nga wala na sang ikasarang ang talatapan nga magserbisyo sa mga kosumidor sini.
Wala man malikawan ni Ocampo nga maobserbahan nga may yara sang indi pag-intindihanay sa tunga sang mga opisyales sang nasambit nga talatapan.
Mas ginapakamaayo ni Ocampo nga magtipon sang pondo ang nasambit nga talatapan para kay-uhon ang ila nga mga pasilidad nga indi na kinahanglan nga mag utang pa kag magbakal sang tubig sa isa ka pribado nga supplier.
