ROXAS CITY – Ginarepesto sang gobernador ang resolution nga ginpapasar sang Sangguniang Panlungsod nga nagaganyat sa pagdala sang kaugalingon nga utensils ang magakaon nga mga indibidwal sa mga restaurants sa syudad.
Ginpahayag ni Governor Esteban Evan Contreras II nga isa man ini ka precautionary measure nga ginapatihan sang gobyerno sang syudad nga makabulig agud matapna ang COVOD-19.
Gin-athag man sang opisyal nga ginatugyan man sini sa mga LGUs ang paghimo sang pila ka mga pagsulundan sa nasakupan nga lugar agud malikawan ang COVID-19.
Ginhimo man nga ehemplo ni Contreras ang curfew sa diin madamo nga sektor ang nagaugyon nga mapabilin ini apisar pa nga mapaidalum ang probinsiya sa Modified General Community Quarantine bangud daku ang nabuhin sa crime incident humalin nga ginpatuman ang curfew.
