ROXAS CITY – Padayon ang preparasyon sang mga restaurants, hotels kag lodging houses sa Valentine’s Day ukon Adlaw sang Tagipusoon buwas nga adlaw.
Sa pagpangusisa sang Bombo News team sa mga restaurants sa syudad sang Roxas, nahibaluan nga pila sa mga kalan-an ang may yara sang gina-offer nga eat all you can promo sa duha ka persona ukon pamilya nga magkaupod nga magaselebrar sang ila Valentine’s Day.
Sa pihak nga may kamahalan ang presyo sang pila ka mga restaurant para sa ila Valentine treat, apang suno sa tagdumalahan nga bawi man sang magapadulong sa ila restaurant bangud sa kantidad nga P450 tobtob P500 per head, buffet dinner ini kag may acoustic band nga magahatag sang romantic atmosphere.
Samtang lauman ang pag-offer sang promo rates sa pila ka mga lodging houses sa ila mga kostumer sa Adlaw sang Tagipusoon.
Pila ka mga motels sa karon ang nagahatag na sang discount kag ginapaagi nila sa social media.
Katuyuan sini nga makakuha sang atensyon sang mga kostomer nga nagaplano nga mag-enjoy sa Valentine’s Day kaupod ang ila special someone.
