ROXAS CITY – Nagapamatuod nga tuga sang pagpangkastigo ang naangkon nga gaob kag pilas sang 16-anyos nga lalaki nga ginaalegar ginkastigo sang mag-asawa nga pulis sa bahin sang syudad sang Roxas, alas-10 sang gab-i sang Setyembre 14.
Ini ang ba-se sa medical examination result nga nagguha subong gid lamang nga adlaw.
Sa resulta, nahibaluan nga may paghubag sa ulo sang biktima, may pagngutngut sa bahin sang liog kag dughan, kag pila ka gaob sa bahin sang iya tiyan.
Matandaan nagpalab-ot sang reklamo si alias “Cecil”, iloy sang 16-anyos nga biktima nga si alias “Ivan” kahapon nga adlaw natuhoy sa indi intsakto nga ginaalegar pagpangkastigo sang mag-asawa nga pulis matapos ginpasibangdan nga ginmolestya niya ang 7 ka tuig nga bata nga lalaki sang mga ini.
Sa pihak nga bahin, ginapahayag nagsugid lamang ang 7 ka tuig nga bata sa iya ginikanan sang ginhimo sa iya ni alias “Ivan” nga posible ila naman ginkakibot.
Mahibaluan suno sa iloy nag-aku sa iya ang iya bata sang iya ginhimo apang nagapati siya nga wala ini kamatuoran kag nahambal lamang sang iya bata bangud sa gihapon sang kahadlok sa mag-asawa.
Desidido man nga magpasaka sang kaso ang iloy kag pagagamiton sini ang medico-legal sang iya bata agud maangkon ang hustisya.
