Resupplay mission sang pungsod sa Ayungin shoal nangin malinong– DFA

Nangin malinong ang ginhimo nga pang-lima nga resupply mission sang Pilipinas sa Ayungin Shoal.

Suno sa Department of Foreign Affairs (DFA) nga wala sang nangin aberya sa pagdala sang pagkaon kag pila ka supplies sa BRP Sierra Madre sa Ayungin Shoal.

Ini na ang pang-lima nga rotation and reprovisioning (RORE) mission para sa mga suldado sang pungsod nga ginbutang sa tank landing vessel nga amo ang nagaserbe nga outpost sang pungsod para huptan ang soberanya sa kadagatan sa lugar.

Ginapasalamatan man sang DFA ang mga tinawo sang Philippine Navy kag Philippine Coast Guard nga naghiwat sang mission.