ROXAS CITY – Boluntaryo nga ginsungka sang isa ka retirado nga pulis ang isa ka unit sang rifle grenade sa Dumalag Municipal Police Station sang damlag lang.
Ginkilala ang nag-turn over kay alyas Allan, 65-anyos, residente sang Barangay San Jose, Dumalag, Capiz.
Sa impormasyon nga nakuha sang Bombo Radyo nagikan sa Dumalag PNP, ginapahayag nga ang nasambit nga granada ang boluntaryo man nga ginsungka sang mga himata pinaagi sa retirado nga pulis kag personal nga gin dul-ong sa katapo sang kapulisan.
Mahibaluan nga ini ang bunga sang mas ginpasangkad nga kampanya sang mga kapulisan ang Tokhang Kontra Armas Luthang ukon TKAL agud mapabilin ang kalinong kag katawhay sang palibot.
Sa karon, yara na sa paghinakop sang Firearms and Explosives Security and Guard Supervision Division sang Dumalag PNP ang amo nga granada para sa nagakaigo nga disposisyon.
