Retired nurse nagpabalhag sa pulisya matapos nga ginaalegar may yara sang naga-withdraw sang kwarta sa iya ATM account

ROXAS CITY -Nagpabalhag sa pulisya ang isa ka retired nurse matapos nga ginaalegar nadiskubrehan na lamang sini nga may yara sang naga-withdraw sa iya nga ATM account sa isa ka banko diri sa siyudad sang Roxas.

Ginkilala ang tagreklamo nga si Bebiana Karczeloski 66-anyos sang Barangay Kinalkalan, Balasan, Iloilo.

Sandig sa ginpabalhag sang tagreklamo nga nadiskubrehan na lamang sini nga may yara sang  naga-withdraw sang kwarta sa iya nga ATM account kun sa diin nag withdraw pa ini sang P10,000 sadtong bulan sang Abril kag P8,000 naman sang bulan sang Mayo, 2020.

Bangud diri, ginpakamaayo na lamang sang tagreklamo nga ipabalhag sa pulisya ang insidente.