-- ADVERTISEMENT --
ROXAS CITY – Boluntaryo nga ginsungka sang wala na ginhingadlan nga retirado nga katapo sang Philippine Army ang isa ka yunit sang armas-luthang sa Roxas City PNP.
Sa impormasyon nga nagikan sa Roxas City Police Station, gin-surrender sang anay suldado ang isa ka unit sang caliber 45. Armscor M1911 FS GI pistol kag isa ka magazine.
Nahibaluan nga ini ang kabahin sang mas ginpasangkad nga kampanya sang kapulisan ang Tokhang Kontra Armas Luthang ukon TKAL.
Sa karon, yara na sa paghinakop sang mga otoridad ang nasambit nga armas-luthang para sa nagakaigo nga disposisyon.
