Wala nalakip sa mga pelikula sa Metro Manila Film Festival (MMFF) subong nga tuig ang ginahulat nga reunion movie nanday Joshua Garcia kag Julia Barretto.
Apisar sini, gilayon nga nakakuha sang atensyon ang proyekto matapos ang look test video nga ginpaguwa sang duha ang naka-record sang masobra 10 million combined views sa nagkalain-lain nga online platforms.
Madamo naman nga netizens ang nagdayaw sa chemistry sang anay love team sa isa ka pelikula.
Natalana nga ipaguwa sa mga sinehan ang pelikula nga Always Yours, Never Mine sa Setyembre 30.
Samtang, sang nagligad lang nangin talk of the town naman sa social media si Joshua bangud sa isa ka isyu online, apang madasig ini nga natabunan sang escitement sang mga fans para sa ila reunion project upod kay Julia.
