Revised AIP 2020 sang gobyerno-probinsiyal, gin-aprubahan sang Sangguniang Panlalawigan

ROXAS CITY – Gin-aprubahan sa sesyon sang Sangguniang Panlalawigan ang Revised Annual Investment Plan (AIP) 2020 sang gobyerno-probinsiyal.

Ini matapos nga nangin ‘unanimous’ ang boto sang mga miyembro sang provincial board.

Matandaan nga una na nga ginrekomendar sang provincial board sa Provincial Development Council (PDC) ang pag-reconvene agud amyendahan ang AIP 2020 kasunod sang ila nakita nga duplikasyon sang pondo.

Gilayon naman nga nag-reconvene ang PDC kun sa diin may pila ka mga pagbag-o nga ginhimo sa nasambit nga pondo.