Nagtaas pa sa P20 million halin sa P10 million ang reward money para sa impormasyon sang lokasyon sang pugante nga negosyante nga si Atong Ang, nga nagapangatubang sang arrest warrants may kaangtanan sa missing nga mga manugbulang.
Suno kay Department of the Interior and Local Government (DILG) Secretary Jonvic Remulla, ginpataas pa ang reward money agud mas mapadasig ang pagdakop kay Ang.
Nahibaluan nga na-issue na ang mga arrest warrants batuk kay Ang kag iban pa sa diin sampaw-sampaw nga kaso sang kidnapping with homicide kag kidnapping and serious illegal detention ang gin-file.
Naka-request naman ang otoridad sang issuance sang Interpol red notice batuk kay Ang.
Sa bahin sang Interpol, ang red notice amo ang request sa aw enforcement sa bilog nga kalibutan nga pangitaon kag dakpon ang isa ka tawo kag ibalik sa pungsod nga ginhalinan.
