-- ADVERTISEMENT --

Suno kay SBP Executive Director Erika Dy, may yara sang short list si Coach Tim nga mga manug hampang nga mahimo niya makuha kon may indi makakumporme ukon makakumpetensya sa torneo halin sa una nga mga ginpili nga players.

Ginpahayag ni Dy nga nangin una sa listahan nanday Cone kag sang coaching staff sang Gilas Pilipinas si Abando bilang posible nga maga-ilis sa mga players nga indi makakakumpetensya.

Ginpili si Abando bilang alternatibo kanday Carl Tamayo kag Calvin Oftana nga indi makakakumpetensya sa torneo nga pagahiwaton sa Malaysia.

Si Tamayo ang may ankle sprain injury, samtang ang asawa naman ni Oftana ang ginapaabot nga magabun-ag na, rason nga indi ini makakaupod sa team.

Ini ang mangin una nga kahigayunan ni Abando nga makakumpetensya sa idalom sang pagdumala ni Cone bilang head coach sang Gilas Pilipinas.

-- ADVERTISEMENT --

Sa subong, nagahampang si Abando sa Korean Basketball League, samtang ang iya ulihi nga pagrepresentar sa Gilas Pilipinas amo sang 2023 FIBA Basketball World Cup nga ginhiwat sa Pilipinas.