ROXAS CITY – Mahimo nga makabaton sang financial subsidy nga P5,000 ang mga rice farmers ukon mangunguma nga nakabaton na sang Social Amelioration Program nga P6,000 sang Department of Social Welfare and Development (DSWD).
Ini ang ginpahayag ni Carolina Cornelio program coordinator for agriculture sa Capiz kasunod sa guidelines kag instruksyon sang Regional Technical Director focal person sang Financial Subsidy Farmers.
Suno kay Cornelio nga mahimo lamang nga ma-disqualify sa programa ang rice farmer kun masobra sa isa ka ektarya ang iya nga ulumhan.
Katuyuan sang programa sang Department of Agriculture suno kay Cornelio nga mapahagan hagan ang epekto sa mga rice farmers sa pagnubo sa presyo sang palay bangud sa Rice Tarrification Law.
Nahibaluan nga may 21mil 284 ka mga benepisyaryo sang programa ang nakabaton na sang nasambit nga ayuda gikan sa 16 ka mga kabanwahanan sa probinsiya.
