Rice importation sa pungsod sa bulan sang Agosto, naglapaw na sa kabug-usan nga volume sang rice imports sang 2025

Naglab-ot na sa 3.46 million metric tons ang rice imports sang Pilipinas sa bulan sang Agusto suno sa Bureau of Plant Industry ukon BPI.

Mas mataas ini kumpara sa 3.39 million metric tons nga kabug-usan nga rice imports sang pungsod sa bug-os nga tuig sang 2025.

Pinakadako nga supplier sang imported rice ang Vietnam nga yara sa 2.59 million metric tons.

Ginasundan ini sang Thailand nga may 378,404 metric tons kag Myanmar nga may 286,052 metric tons.

Samtang, ginpahayag ni Agriculture Secretary Francisco Tiu Laurel Jr. nga wala sang plano ang gobyerno nga magpatuman sang import ban sa bugas.