Ginsiling sang Philippines Statistics Authority (PSA) nga naghinay ang inflation rate para sa bugas sadtong Agosto bangud sa gintingub nga base effects kag impact sang ginpanubo nga taripa sa imported grain sa nasambit nga bulan.
Sa isa ka press conference ginsiling ni PSA chief and National Statistician Claire Dennis Mapa nga ang rice inflation, napagkit sa 14.7% sadtong nakaligad nga bulan nagikan sa 20.9% sadtong Hulyo.
Suno kay Mapa, ini ang pinakahinay nga inflation print para sa bugas sumugod sadtong Pktobre 2023 sang mapagkit ini sa 13.2%.
Ang paghinay sang rice inflation sadtong tinalikdan nga bulan, ang nagabase sa ginalauman sang PSA nga magasugod ini nga magnubo sa second half sang 2024 bangud sa base effects, partikular sang magsugod ang uptrend sadtong Agusto 2023, subong man sa epekto sang mas manubo nga taripa sa rice import nga nagkabisa sadtong tinalikdan nga bulan.
Ang Executive Order No. 62, nga nagatapyas sa taripa para sa imported rice sa 15% sumugod 35%, ang nagkabisa sa Hulyo.
Matandaan una na nga ginsiling sang PSA nga ang pagnubo sang taripa para sa imported rice ang magapanubo sa retail price per kilo sang bugas nga P6 .00 tubtob P7.00.
