Gin-anunsyo sang Department of Agriculture (DA) nga nagpasalig ang mga rice millers nga pataason ang buying price sang bugas sa minimum nga P17 kada kilo para sa wet rice ukon unmilled rice kag P21 kada kilo para sa dry rice, ilabi na sa Northern kag Central Luzon nga ginakabig nga ‘rice-producing provinces’ sang pungsod.
Katuyuan sini nga buligan ang mga mangunguma matapos ang pagnubo sang presyo sang farmgate sang nagligad nga tuig.
Kadungan sini, nakasugtananay man ang mga importers nga magdala sang tubtob 300,000 metric tons sang bugas nga dapat mag-abot antes matapos ang bulan sang Pebrero agud indi maapektuhan ang peak harvest sa bulan sang Marso kag Abril.
Suno sa DA, pagatun-an man nila ang posible restriction ukon pagdumili sa imports sa tion nga mag-umpisa na ang peak harvest season, samtang nagapabilin sa 15% ang rice tariff sa subong.
