ANTIQUE – Magahatag sang dako nga oportunidad para sa mga mangunguma ang Rice Processing System (RPS) facility matapos nga gin-inspect ni President Ferdinand Marcos Jr. ang P94.8 million nga pasilidad sa Barangay PoblaciΓ³n 5, Hamtic, Antique.
Sa interview sang Bombo Radyo kay Department of Agriculture Region 6 Director Dennis Arpia, iya ginpahayag nga ang RPS facilities indi lang makapa-improve sang kalidad sang bugas sa baylo, makahatag pa ini sa mga mangunguma sang oportunidad nga makapalapad pa sang ila talamnan kag makabaligya sang pananom sa mas maayo nga presyo.
Suno kay Director Arpia, ang advanced technology ang magasiguro sang mataas nga recovery sang bugas nga makapadugang sang kita sa mga mangunguma.
Ang pagbisita sang Presidente ang nagalakip man sang paghatag sang nagkalain-lain nga agricultural support nga may katuyoan nga ma-empower ang mga mangunguma kag mapabaskog pa ang lokal nga agrikultura.
Nagapati ang Regional Director nga pinaagi sa amo nga inisyatibo, mapadayon pa ang pagpasangkad sang produksyon kag makabulig sa pag-secure sang food supply sang pungsod.
