Nagapangatubang sa karon sa kontrobersiya si Leyte Representative Richard Gomez matapos ang tuman sini nga pahayag batok sa mga manugwaragwag sa social media, kasunod sang pagpangayo sang ila nga bahin angut sa naguba nga flood control project nga gina-angut sa iya.
Sa isa ka Facebook post sang Huwebes, wala ginsabat ni Gomez ang mga alegasyon, apang sa kabaylo gintawag ini nga isa ka “media spin.” Ginpakigbahin man sini screenshots sang mga mensahe sang mga manugwaragwag—kalakip ang ila nga mga pangalan kag personal nga contact number.
Bangud sini, posible nga magapangatubang si Gomez sa imbestigasyon sang House ethics committee. Suno kay Bicol Saro Rep. Terry Ridon, mahimo nga may ginlapas nga probisyon angut sa privacy.
Suportado man ini ni Deputy Speaker kag Antipolo Rep. Ronaldo Puno, nga ginaganyat ang mga apektado nga manugwaragwag nga dalhon ang isyu sa ethics panel sang Kamara.
Luyag lang man kuntani nga kuhaon sang mga manugwaragwag ang bahin ni Gomez matapos ini nga gintudlo ni Matag-ob, Leyte Mayor Bernardino Tacoy nga may kahilabtanan ang kongresista sa naguba nga flood control structure nga natiphag bangud sa tuman nga pag-ulan kag pagbaha.
