Taguig, Kalayaan Avenue – Pilason ang duha ka magka-angkas matapos ginbuno sang isa ka rider; biktima gindakop bangod sa may warrant of arrrest sa syudad sang Taguig.
Sa kuha sang camera ang pagbunggu-anay sang rider kag biktima ang ginaalegar nga nangin rason sang mainit nga diskusyon sa road rage sa Kalayaan Avenue.
Suno sa Close Circuit Television “CCTV”, footage nga ginabuno sang suspek ang duha ka biktima gamit ang screwdriver samtang nagasakay sila sa motorsiklo.
Matapos ang insidente, nagpalagyo ang suspek apang gilayon ini nga gindakop sang nagresponde nga pulis nga nagapatrolya sa lugar.
Pilason ang duha ka mga biktima apang buhi pa bangud wala nakalusot ang pilas sang pagbuno sa ila lawas.
Sa imbestigasyon, ginpahayag sang biktima nga nagsugod ang altercation sang ginbalabagan sang suspek ang ila alagyan.
Ginpanginwala naman sang suspek ang alegasyon nga naghatag ini sang dirty finger, nagapanindugan nga ginpahog siya rason nga iya gin-atake ang duha.
Ginpasakaan sang duha ka biktima ka kaso nga Frustrated Homicide kag iligal nga paghupot sang deadly weapon ang suspek.
Samtang, sang gin-verify sang kapulisan ang identidad sang mga biktima, natukiban nga lunsay may pending arrest warrant.
Sa karon nahibaluan nga suno sa ila panaysayon, naserbisyuhan na nila ang ila tagsa ka sentensya para sa mga kaso nga ila ginapangatubang, apang gin hold sila sang kapilisan sa gihapon.
