Rider kag pasahero, patay sang nahulog ang ila motorsiklo sa pil-as

Patay ang isa ka rider kag iya pasahero sang nahulog ang motorsiklo nga ila ginasakyan sa pil-as sa Tuba, Benguet.

Sa report, ginpahayag nga nagamaneho ang duha sa Asin Road sa Barangay Tadiangan sang natabo ang insidente.

Base sa imbestigasyon sang mga otoridad, padulong kuntani sa La Union ang mga biktima sang nadulaan sang kontrol ang angkas sa motorsiklo sa kurbada nga bahin sang dalan.

Nagdiretso sa pil-as ang mga biktima kag nahulog sa sapa.

Nagbinuligay ang mga residente sang barangay, bombero kag kapulisan agud mapanaog ang mga biktima.