ROXAS CITY – Presuhan ang ginsudlan sang duha ka mga suspek nga nagluthang patay sa drug surrenderee sa Barangay Rosario, Pilar, Capiz matapos positibo nga gintudlo sang mga nakasaksi sa krimen.
Sa exclusive interview sang Bombo Radyo Roxas kay Sr. Insp. Alfred de Leon , hepe sang Pilar PNP, ginpahayag sini nga madamo sang nakasaksi sa krimen ang nagkaisog nga itudlo sanday July Bataanon backrider sang motorsiklo kag triggerman kaupod ang driver nga si Abner Bacanto Jr.
Gilayon nga nagpatigayon sang hot pursuit operation ang mga pulis sa diin una nga ginpadulungan ang balay ni Bacanto nga ginkumpirma nga si Bataanon ang nagluthang sa biktima.
Apang sa pihak nga madamo ang nagtestigo nga si Bataanon ang nagluthang sa biktima hugot ini nga ginpanginwala sang suspek bangud depensa sini nga yara lamang ini sa ila balay sang magluntad ang krimen.
