-- ADVERTISEMENT --
ROXAS CITY – Boluntaryo nga ginsungka sang isa ka mister ang 1 round Rifle Grenade kay PCpL Von Makiv L Umiten, Asst. Team Member, 4th Maneuver Platoon, 2nd Capiz Provincial Mobile Force Company sa Barangay Hall sang Barangay Atiplo, Mambusao, Capiz.
Ang wala na ginhingadlan nga mister ang residente man sa nasambit nga lugar.
Sa impormasyon nga nakuha sang Bombo Radyo, isa lamang ini sa resulta sang ginpasangkad nga kampanya sang kapulisan nga Tokhang Kontra Armas Luthang (TKAL).
Sa karon, yara na sa kustodiya sang Capiz Police Provincial Office ang nasambit nga rifle grenade para sa nagakaigo nga disposisyon.
