ROXAS CITY, CAPIZ- Yara na sa paghinakop sang Capiz Provincial Explosive Ordinance Disposal and Canine Unit ang isa ka ginapahayag rifle grenade nga narekober sa Sitio Luyo, Barangay Culasi, Roxas City.
Sa interview sang Bombo Radyo kay Kagawad Enrico Joseph sang amu nga barangay, ginpahayag nga nakita ini sang tag-iya sang ginaubra nga balay kun sa diin diri nakutkutan ang amu nga explosive.
Dugang pa sini, nga mismo ang mga otoridad ang sa karon wala pa matumod kun ano nga sahi sang rifle grenade ang narekober sa amu nga lugar.
Nahibaluan nga indi lamang ini una nga bes nga naka-rekober sang amu nga butang sa nasambit nga barangay.
Samtang, mensahe naman ni Kagawad Joseph sa mga pumuluyo, nga kun may makita sila sang makaduluda nga butang, gilayon nga ipalab-ot sa ila nga mga opisyales agud mahatagan sang nagakaigo nga pagtamod.
Sa karon, nagapabilin sa mga otoridad ang nasambit nga rifle grenade kag subject for verification pa.
With a report from Bombo Jessa Mae De Los Santos
