Ginpakigbahin sang Punong Barangay sang Barangay Ambilay, Panitan, Capiz, nga dali nalang nga matapos ang River Control Project sang Department of Public Works and Highways sa ila nga lugar nga nag-expired na sang 2025 pa.
Sa interview sang Bombo Radyo kay Punong Barangay Juan Dieta Baulite, sang nasambit nga lugar, iya ginpahayag nga yara na sa 60 porsiyento ang development sang proyekto.
Suno kay Baulite, nalipay gid ang mga pumuluyo kag sila nga mga opisyal bangud nga nagpadayon nagid man ang pag-ubra sang river control nga naga-apekto sa ila nga pagpangabuhi sa tion nga mataas ang lebel sang tubig kag kun may mga kalamidad.
Pahayag niya, kasunod sang mga reklamo nga ila ginpalab-ot, ginm-islan ang project engineer sa diin nga mas nagdasig na ang pag-ubra subong nga maskin adlaw sang Dominggo, wala sang pahuway.
Nahibaluan, nga ang Ambilay River Control Project, ginsuguran sang 2024 kag ginalauman nga matapos sang 2025 apang wala nalab-ot bangud sa pila ka mga rason.
Nagalaum naman ang natungdan, nga matigayon na nga matapos subong nga tuig ang amo nga river control.
Interviewed by Bombo Saira Joy Alu-ad Bautista | via Bombohanay sa Udto
