Magapaidalom ang Rizal Memorial Sports Complex sa pla ka mga upgrades para sa natalana nga Women’s Tennis Association (WTA) 125 Women’s Open.
Ang Pilipinas natalana nga mag-host sa nasambit nga tournamnent nga pagahiwaton subong nga Enero 2026.
Suno kay Philippine Sports Commission (PSC) Chairman Patrick Gregorio, indi lang ang tennis center ang sentro sang upgrades kundi ang bug-os nga Rizal Sports Complex.
Nagalakip ini sang rehabilitasyon sang dalan kag himuon nga asphalt roads, pagbutang sang solar lights, kag iban pa nga pag-adjust.
Dugang pa ni Gregorio, kinahanglan nga malab-ot sang Pilipinas ang international standards, ilabi na nga madamo nga tennis players ang ginalauman nga makahampang sa kasubong nga paindis-indis. Ginsiling man sini nga kinahanglan nga ipakita sa bug-os nga kalibutan nga ang hosting kag ang tanan nga mga pasilidad sa tennis complex mahimo magamit sang mga world-class tennis players.
Suno sa iya, pagkatapos sang duha tubtob tatlo ka semana, ang tanan nga natalana nga mga pag-uswag pat-od gid nga matapos.
Nahibaluan nga ang tournamnet ang natalana nga pagahiwaton sa Enero 26 tubtob Enero 31.
