ROXAS CITY – Ginkumpirmar ni board member Jonathan ‘Sonny’ Besa, nga plano sang administrasyon ni Governor Fredenil ‘Oto’ Castro nga dugangan ang mga Doctors, Nurses, Midwives, Medtechs, Nursing attendants kag iban pa nga personnel, agud mapaayo ang serbisyo sa Roxas Memorial Provincial Hospital.
Ini ang ginpahayag ni board member Besa, sang mainterview sang Bombo Radyo.
Dugang pa sini, pagahatagan man sang pagtamod sang bag-o nga administrasyon ang natukiban sa RMPH nga madamo sang mga bulong nga nagkala-expire apisar nga nauna nga ginpahayag nga ginaalegar ginakulang sa bulong sa amu nga ospital.
Samtang, pagatutukan man ang performance sang mga public hospital heads, kun nagakadapat pa sila sa amu nga posisyon.
Sa karon, suno diri, ang nagapungko nga Officer-in-charge sa RMPH amu si Dr. Florencio Luching.
