ROXAS CITY – Sa ginpaguwa nga mando sang Department of Interior and Local Government, ginamanduan ang mga ahensya sang gobyerno subong man ang mga barangay official nga ipatuman ang paghawan sa national kg barangay roads.
Sa interview sang Bombo kay Engr. Julius Abela sang DPWH-Capiz 1st Engineering District nga sa ila ginpatigayon nga sinapol nga ginpangunahan sang DILG Capiz, ginpahayag sini nga hugot nga ipatuman ang road clearing bangud madamo nga mga reklamo nga ginapalab-ot sa ila talatapan kaangay nalang sang mga nagaharang sa mga dalanon, ginahimo nga parking area, mga nagabulad sang palay kag iban pa nga nagatuga sang trapiko kag ginatunaan sang mga insidente.
Dugang pa ni Abela nga may nagakaigo nga penalidad sa kun sin-o man ang maglapas sa amu nga layi.
Kinahanglan man nga ipaidalom sa orientation ang mga barangay official agud maintindihan nila sa tion nga igaimplementar ang nasambit nga layi.
