Suportado sang League of the Municipalities of the Philipines-Capiz chapter President kag anay contractor Mayor Leodegario ‘’Jun’’ Labao sang Mambusao ang ginbuy-an nga pahayag ni Governor Esteban Evan Contreras II angut sa posible madangatan sang contractor nga nagapatuman sang proyekto sang gobyerno sa Barangay Ilaya, Pontevedra.
Ginpahayag ni Mayor Labao nga luyag lamang sang gobyerno probinsiyal nga matapos na ang road rehabilitation project sa Barangay Ilaya Pontevedra agud indi na mabudlayan ang mga residente kag mga motorista.
Apang suno kay Labao nga indi dapat ang gobernador ang mag-monitor sa kasubong sini nga mga proyekto bangud trabaho ini sang Provincial Engineer’s Office.
Kasubong nga ginabasol man sang alkalde si provincial engineer Edgar Agana bangud obligasyon sini nga i-monitor ang nasambit nga proyekto.
