Ginpakigbahin ni television personality Robi Domingo sa social media, matapos ginbisita ang National Bureau of Investigation (NBI) agud talakayon kung paano ini magapasaka sang reklamo may kaangtanan sa cyberbullying.
Sa Instagram page ni Robi, ginpakigbahin sini ang iya pagpakighinala kay Atty. Jerome Bomediano, Chief sang NBI-Organized and Transnational Crime Division (NBI-OTCD), kag Atty. Tucay.
Kung sa diin nagpasalamat ini sa mga sabat angut sa proseso sang pagsumite sang reklamo.
Dungan nga ginbutang sini ang mga key points angut sa mga natun-an sa iya pagbisita sa ahensya.
Kaangut sini, gintapos ni Robi ang iya post pinaagi sa isa ka mensahe kung sa diin nagaganyat sa tanan nga mangin responsable online.
Mahibaluan nga ang pagbisita ni Robi sa NBI, kadungan sang isa ka online threat nga iya nabaton nagikan sa isa ka troll account angut sa palaabuton nga show sini kag siya ang mangin host.
Samtang suportado naman ang iya sini mga kaupdanan nga hosts nga sanday Melai Cantiveros kag Bianca Gonzalez.
