Gin-anunsyo ni Senador Robin Padilla nga ginabaligya niya ang iya Spanish-style property nga Museo de Padilla nga nahamtang sa Quezon City.
Sa isa ka post, ginpaambit ni Padilla ang pila ka mga detalye sang malapad nga propiedad nga may apat ka kwarto nga apartment, duha ka studio-type units, kag isa ka mayor nga balay nga may anum ka mga kwarto.
Lakip sa pasilidad sang propiedad ang music room, conference hall, main kitchen, tatlo ka ballrooms, kag isa ka meeting room.
Suno sa social media page sang Museo de Padilla, nagserbe ini nga lugar sang nagkalain-lain nga okasyon kaangay sang photoshoots, bunyag, kag kasal, lakip na ang pagbunyag sa bata ni Elisse Joson kag McCoy de Leon.
Samtang wala naman ginbuyagyag sang senador ang rason sang pagbaligya, apang ginpahayag nga panalagsa man nga nagatinir ang pamilya Padilla sa Museo de Padilla.
