Ginakonsidera ni National Bureau of Investigation Director Melvin Matibag si Senator Robinhood Padilla nga “person of interest” sa nahamtangan subong ni Senator Ronald “Bato” dela Rosa.
Nahibaluan nga Huwebes sang kaagahon sang nagpalagyo sa Senate building si Dela Rosa kasunod sang posible pag-aresto kuntani sa iya matapos nag-issue sang warrant ang International Criminal Court may kaangtanan sa drug war sang Duterte administration.
Sang ginpamangkot si Matibag kun gina-track nila si Dela Rosa, iya ginpahayag nga automatic na ini apang ang dapat una nga pamangkuton amo si Senator Robin Padilla bangud nagaguwa nga siya ang kaupod ni Dela Rosa.
Pahayag pa sang NBI Director, si Padilla ang person of interest nga makahatag sang kasanag sa kun diin man subong si Dela Rosa.
Nanindugan si Matibag nga ang dapat nga direkta nga pamangkuton sa nahamtangan ni Dela Rosa amo sanday Padilla, Senate President Alan Peter Cayetano, amo man si Senate Sergeant-at-Arms kag retired Police Major General Mao Aplasca.
