Isa ka robotic electrician ang madinalag-on nga naghimo sang live repairs sa 10-kilovolt nga linya sang kuryente sa Qingshan County, China kon sa diin indi na kinahanglan nga patyon ang supply sang kuryente.
Ginhimo sang Hubei Electric Power Research Institute kag Wuhan State Grid, ang robot makagamit sang laser technology sa pagkay-o sang insulation, pag-connect sang mga cable kag paghugot sang mga koneksyon sa kuryente samtang ang linya gina-energize.
Suno sa technician nga si Wu Xin, ang robot gindesinyo agud makahulag sa komplikado nga network cable kag paghimo sang high-precision tasks.
Ang teknolohiya ginalauman nga makabulig sa pagpanubo sang risgo sa human electrician kag malikawan ang power interruptions.
Mahimo man ini magbukas sang mas luwas kag mas episyente nga paagi sa pagmentinar sang linya sang kuryente sa palaabuton.
