ROXAS CITY – Dedma na lamang kag indi na pagpatulan pa ni Bise-Presidente Leni Robredo ang pagpanghangkat ni Presidente Rodrigo Duterte nga pamunuan sini ang kampanya kontra ilegal nga droga sang gobyerno.
Sa exclusive interview sang Bombo Radyo kay Robredo, ginpahayag sini nga indi niya luyag nga magkomento pa bangud indi makabulig sa pungsod kun magabayluhanay lamang sila sang tinaga sang presidente.
Sa karon suno kay Robredo, luyag sini nga tutukan ang tatlo ka tuig niya nga nabilin sa termino agud makabulig sa mga Pilipino.
Matandaan nga ginpahayag ni Presidente Duterte nga igapaidalom sini ang iya nga police power kay Robredo para siya ang magaresolbar sang problema sa droga sa pungsod matapos ini nga ginpakamalaut sang bise-presidente.
