Nagapati si Mamamayan Liberal Partylist Rep. Leila de Lima nga si anay Vice President kag karon Mayor sang Naga nga si Leni Robredo amu gihapon ang “most winnable candidate” sang oposisyon kon magpadalagan ini liwat.
Ginhimo ini nga pahayag ni De Lima matapos ginpahayag ni Robredo nga indi siya magpadalagan sa 2028 Presidential Election bangud mas ginapili niya nga tutukan ang iya katungdanan sa Naga kag pagserbisyo sa mga Bicolano.
Sa isa ka statement, ginsiling ni De Lima nga naintindihan nila ang desisyon ni Robredo para sa Naga kag sa iya mga kasimanwa.
Bangud sini, nagalaum gihapon ang mamalidha nga basi magbag-o pa ang desisyon ni Robredo.
Samtang, ginpahayag ni De Lima nga ginasuportahan nila ang bisan ano nga desisyon sang anay bise presidente kag may bug-os nga pagsalig sa iya kaalam kag kahandaan nga magserbisyo sa pungsod.
