Gindayaw sang mga fans si rock legend Bon Jovi matapos nga makumbinsi sini ang isa ka babaye nga indi na pagdayunon ang tuyo kun tani nga paglumpat sa tulay.
Nagapatigayon sang video shoot ang singer sa John Seigenthaler Pedestrian Bridge sa Music City , Nashville sang matalupangdan sini ang isa ka babaye nga yara na sa railings sang tulay.
Wala na nagpangduha-duha pa ang “It’s My Life” singer kag ginpalapitan ang amo nga babaye.
Diri kag nakumbinsi sini ang babaye nga indi na maglumpat sa amo nga tulay.
Gin-istorya sini dayon ang babaye tubtob nga nakatawag sa mga otoridad.
Mahibaluan nga luwas sa pagkanta, naghanas si Jon Bon Jovi kun paano makaatubang ang mga tawo nga nagapangatubang sa tuman nga depression. Kalakip niya ini nga ginatudlo sa iya nga JBJ Soul Foundation.
Matapos ang paglapta sang nasambit nga video sa online, ginbuhos sang pagdayaw nagikan sa fans ang singer kag mangin sa kapareho man nga singer.
