Daog ang Houston Rockets batok sa Los Angeles Lakers sa score nga 99–93, sa Game 5 agod ma forces ang game 6 balik sa homecourt sang Rockets.
Si Jabari Smith Jr. amo ang nanguna sa Rockets nga may 22 points, samtang si Tari Eason nagdugang sang 18 points. Nagpakita man sang dako nga kontribusyon si Alperen Sengun nga may 14 points, 9 rebounds, kag 8 assists, nga nakabulig sa pagdumala sang team sa importante nga parte sang duwa. Si Amen Thompson naghatag man sang 15 points para sa Houston.
Sa pihak nga bahin, si LeBron James nagscore sang 25 points kag si Austin Reaves nagdugang sang 22 points sa iya pagbalik gikan sa injury, apang indi gihapon ini igo para sa Lakers. Maayo ang umpisa sang Los Angeles kag nakauna pa sila sa points, pero nakabalos ang Houston sa ikaduha nga quarter kag ginpabilin ang kontrol sa masunod nga bahin sang hampang.
Bangud sa sini nga kadaogan, ginpaubos sang Rockets ang series sa 3–2 matapos sila matabla sang 0–3, kag ginpwersa nila ang Game 6 nga pagahimuon sa Houston. Ini ang ila ikaduha nga sunod nga elimination game nga ila napanaug, nga nagapadayon sa ila playoff run.
