Ginsaylo na sa Quezon City Jail Male Dormitory sa Payatas si anay House Speaker Martin Romualdez.
Nag-abot ang convoy nga nagdala kay Romualdez halin sa University of the Philippines (UP)-Philippine General Hospital (PGH) mga alas 10:54 sang gab-i sang Lunes, Setyembre 14.
Nag-agi si Romualdez sa standard commitment kag booking procedure sa Quezon City Jail nga ginalakipan sang pagkumpiskar sang mga indi otorisado nga items, pagkuha sang mug-shot, medical history examination kag sa ulihi ginbutang sa designated cell.
Ang nasambit nga pagsaylo kay Romualdez sa QC Jail ang base sa mandu sang Sandiganbayan nga dapat isaylo sa QC Jail ang mamalidha matapos nga mapamatud-an nga “clinically stable” na kag indi na dapat magpadayon sa pagtener sa ospital.
Matandaan nga gin-aresto si Romualdez sang Setyembre 7 matapos nga nagpaguwa sang arrest warrant ang Sandiganbayan sa P7.4 billion nga plunder nga ginpasaka sang Office of the Ombudsman.
Una ini nga gin-confine sa Cardinal Santos Medical Center antes ginsaylo sa UP-PGH sang Sabado, Setyembre 12 para sa independent examination.
