MANILA, Philippines – Nagsumiter sang counter-affidavit si Former House Speaker Martin Romualdez, sa mga reklamo batok sa iya sa Office of the Ombudsman.
Sandig sa statement ni Assistant Ombudsman Mico Clavano, lakip sa counter-affidavit nga ginfile ni Romualdez sang Agosto 7, ang pag-bawi sang apat sa 18 ka “maleta boys” nga anay nag-akusar sa iya, anay Ako Bicol party-list Rep. Zaldy Co kag President Ferdinand Marcos Jr. nga nakabaton sang mga maleta nga may kwarta.
Suno pa sa iya ang apat sa 18 ang ulihi nga nag-bawi sang ila mga alegasyon sa mga nauna nga sworn statements, apang sa karon wala pa nakabaton ang Ombudsman sang ila opisyal nga pormal nga pagabawi.
Pahayag pa ni Clavano, nakasabat na ang panel sang mga imbestigador sa counter-affidavit ni Romualdez, nga nagpangayo sang extension para makapasa sang supplemental counter-affidavit.
Ginatanaw naman nga kun indi ini paghatagan, igapasa na ang reklamo para sa resolution kag kun makita ang probable cause, mahimo nga magpagwa ang Ombudsman sang resolution para sa pagpasaka sang kaso sa Sandiganbayan.
Dugang pa sa impormasyon yara na sa preliminary investigation stage ang kaso ni Romualdez, kag Co bangud sa alegasyon nga “concerted and coordinated acts” in “unlawfully amassing, accumulating, and acquiring ill-gotten wealth” nga nagabalor sang P56 billion sang 2022 tubtob 2025.
Sa karon liwat nga ginpanginwala ni Romualdez ang mga akusasyon kag ginpakigbahin ang pahayag nga handa siya nga pamatud-an nga wala siya sang ginhimo nga iligal.
