ROXAS CITY – Wala sang pagtaas sa room rates sang pila ka mga lodging houses sa syudad sang Roxas, duha ka adlaw antes ang Valentine’s day.
Ini ang sandig sa pagpadulong sang Bombo Patrol team sa pila ka mga lodging houses sa syudad.
Yari ang nasambit nga mga room rates:
Air-conditioned room
12 hrs – 500 to 800
24 hrs – 700 to 1000
Non Air-conditioned room
12 hrs – 300 to 450
24 hrs – 400 to 550
Suno sa isa ka receptionist gamay pa lang ang nagpadulong sa ila nga lodging house kag nagalaum ini nga magadamo, pag-abot sang petsa 14.
Dugang pa sini nga ginasunod sang ila nga hotel ang 50% capacity kag hugot nga ginapatuman ang health protocols.
Samtang, sa presyuhanay sang bulak, wala naman sang napagkit nga pagsaka sang presyo sini.
Kun ikumparar naman sang nagligad nga tuig, sa sini nga tinion, madamo na sang nagapa-reserved sang bulak para sa ila pinalangga sa kabuhi.
