Roque kag 11 nga iban pa, igapaidalom na sa Immigration Look-Out Bulletin Order

Ginbutang sa Immigration Look-Out Bulletin Order si anay Presidential Spokesperson Atty. Harry Roque kag ang iban pa.

Ini ang bangud sa kaangtanan sang mga ini sa ilegal nga POGO incorporations kag corporate officers nga Lucky Smith 99 kag Whirlwind Corporation nga gin-raid sang damlag lang sa Porac, Pampanga.

Ang pagpaidalom sa mga ini sa ILBO, bilang kahandaan sa posibilidad nga paghalin sang mga ini sa pungsod kag malikawan ang legal nga mga proseso.

Samtang, ginsabat naman ini ni Roques kag nagpahayag nga ginakonsidera sini ang ILBO bilang ‘plain harassment.’

Gintalupangod man sini nga wala sang rason agud maghalin sa Pilipinas, pagaatubangon kag sabton sini ang mga alegasyo nga may kaangtanan sa offshore gaming.