Ginaduso ni Roxas City Councilor Fernando Luis “Bords” Viterbo, chairman sang Sangguniang Panlungsod Committee on Public Safety ang pagpabaskog sang ordinansa sa idalom sang proposed Roxas City Traffic Code 2026 nga nagatuyo sa pagpaayo sang pagdumala sang trapiko kag pagpasiguro sang kaluwasan sang mga motorista, pedestrian kag residente sa syudad.
Sa interview sang Bombo Radyo kay Viterbo, , iya ginpahayag nga ang ginaduso nga mga tikang kabahin sang pag-update sang daan nga Traffic Code sang Roxas City.
Suno kay Viterbo, nagaagi sa maid-id nga pagtuon mga hagna agud matalupangdan ang epekto sini sa kahimtangan sang trapiko sa Roxas City.
Nagalaum man ang natungdan nga paagi sa sini nga mga tikang, mapahagan-hagan ang pagbug-at sang trapiko sa Roxas City kag mangin mas matawhay ang pag-agi sang mga salakyan sa nagkalain-lain nga dalanon sang syudad.
